झापाको शिवसताक्षी नगरपालिकाको वडा नं. १ मा नेकपा एमालेको प्यानलै विजयी भएको छ । बैशाख ३० गते भएको स्थानीय तहको निर्वाचनमा वडामा खसेको कुल ३ हजार ८२ मतमध्ये ९ सय ४८ मत प्राप्त गरी नेकपा एमालेका लक्ष्मीप्रसाद चेम्जोङ विजयी भएका हुन् । चेम्जोङका निकटतम प्रतिस्पर्धी नेकपा (माओवादी केन्द्र) का दुर्गा नेम्बाङले ९ सय २० मत प्राप्त गरेका छन् ।

त्यस्तै नेकपा एमालेकै महिला सदस्यमा उमा माझीले एक हजार एक सय १९ , दलित महिला सदस्यमा निर्मला पौडेल (बराइली) ले एक हजार एक सय २९, खुल्ला सदस्यमा नारायणप्रसाद रिजालले एक हजार एक सय १० र अर्का खुल्ला सदस्यमा पूर्णजङ चेम्जोङले एक हजार २९ मत प्राप्त गरी विजयी भएका छन् ।